Seminare | Huweliksvoorbereiding

Huweliksvoorbereiding

Jou GROOT dag kom nader en jy sien met opwinding in jou hart daarna uit. ‘n Gelukkige huwelik is een van die grootste vreugdes in die lewe. Maar dis nie vanselfsprekend dat jy gelukkig getroud sal wees nie. ‘n Leeftyd van elke dag saam wees, lê voor. In só saam wees moet daar ruimte wees vir verskille in lewensbeskouing en temperament, Verskillende denkrigtings oor finansies en nog vele ander sake. Kitsresepte vir huwelike bestaan nie, dit kos toewyding en harde werk. As jy nie weet waarin jy jou begewe nie, kan jy vinnig tot jou sinne kom!

Het jy enige idee met watter vooropgestelde persepsies oor die huwelik jou geliefde grootgeword het?
Hoe dink hy oor die man en die vrou se rolle in die huis?
Rym dit met jou opvattings?
As dit nie dieselfde is nie, het julle al gepraat oor hoe julle dit gaan hanteer? Hoe benader sy ouers konflik? Weet jy? Die kans is goed dat hy dit ook só sal doen. Is daar ruimte tussen sy vriende vir jou, of gaan jy by die huis sit wanneer hy kuier? Voel julle dieselfde oor kinders hê en grootmaak? Hoe voel hy oor pornografie, kuberseks?