Seminare | Hersaamgestelde gesinne

Egpare in hersaamgestelde gesinne

Lewensverryking het met die aanbieding van sy Huwelikseminare sterk onder die indruk gekom daarvan dat, weens die groot aantal egskeidings in ons land, daar geweldig baie 2de en 3de maal getroudes na ons seminare toe kom.

Ons het besef dat daar vele unieke probleme by hierdie Hersaamgestelde gesinne bestaan, soos “jou kinders”, “my kinders” en dan nog “ons kinders”, “finansies”, om nie eers van die “ekse” te praat nie…..klink en voel dit bekend? Wil jy en jou nuwe eggenoot graag voorbereid wees vir hierdie uitdaging of net hoor en verstaan hoe om die situasies te hanteer? Lewensverryking se aanbieders van hierdie seminaar was self deur egskeiding/dood van ‘n eggenoot en bied die lesings uit die wêreld van praktiese ervaring aan.

Is jy radeloos met die uitdagings in jul hersaamgestelde gesin (2de, 3de huwelik)? Is daar net te veel ruimte vir konflik? Is die finansies ’n nagmerrie? Wil jy graag hê jul saamgestelde gesin moet ‘n ’n eie identiteit hê, maar jy weet nie hoe om dit reg te kry nie.